Mbrojtja e të drejtave dhe organizimi i komunitetit për të ngritur zërin janë ADN-ja e Lëvizjes Rinore Egjiptiane dhe Rome.

Vizioni i organizatës është që nëpërmjet punës dhe dedikimit të anëtarëve të kontribuojë në drejtim zgjimi, zhvillimi dhe përhapja e ndjenjës dhe kulturës Rome dhe Egjiptiane në Shqipëri dhe më gjerë.

Mision i i organizatës është advokimi për një qasje të barabartë të minoritetit Rom dhe Egjiptian për sa i përket të drejtave të njeriut në aspektin e shërbimeve publike dhe sociale; për sigurimin e arsimit dhe këshillave të karrierës për studentët e komunitetit; për rritjen e pjesëmarrjes së këtyre komuniteteve në jetën publike; kryerjen e studimeve kërkimore për dokumentimin dhe institucionalizimin e trashëgimisë kulturore të minoritetit Rom dhe Egjiptian; promovimin e shkëmbimit kulturor dhe marrëdhënieve miqësore ndërmjet minoriteteve Rome e Egjiptiane dhe komuniteteve të tjera brenda dhe jashtë vendit.

Gjatë periudhës 2014-2019, kemi ndërmarrë nisma të ndryshme përmes organizmit të komunitetit, për të shtyrë në ndryshimin e legjislacionit që lidhet me nevojat kryesore ose për të vënë në zbatim akte juridike të pazbatuara në dëm të interesave të minoritetit Rom dhe Egjiptian.